Zëvendës drejtori i Pëgjithshëm i Policisë së Kosovës, Dejan Jankoviq, është arrestuar në Jarinjë nga Policia e Serbisë, ka raportuar mediumi në gjuhën serbe “Kossev”.
Për arrestimin e tij u pyet në një konferencë për media Ministrja e Jashtme, Donika Gërvalla, por e njëjta tha se nuk e kanë akoma informatën e lirimit të tij.
“Nuk kemi informatë që është liruar, ju lus edhe për pak durim derisa të verifikohet informacioni”, u tha Gërvalla gazetarëve.
Gjatë konferencës ajo kërkoi që të shmanget kalimi nëpër Serbi.
“Më lejoni të përsëris thirrjen që të evitohet kalimi nëpër Serbi, në çdo rrethanë sepse nuk e dim sa do të mund të ashpërsohet kjo strategji e Vuçiqit”, tha ajo.
