Misioni i Bashkimit Evropian për Sundimin e të Drejtave në Kosovë (EULEX) tha se situata në komunat në veri është shqetësuese dhe e papranueshme.
Ata kërkuan që të sigurohet një mjedis i sigurt për të gjithë qytetarët.
“Situata e sigurisë në veri të Kosovës mbetet e tensionuar. Jemi thellësisht të shqetësuar për sigurinë dhe mirëqenien e civilëve, policëve, gazetarëve, anëtarëve të EULEX-it dhe KFOR-it. Siguria në terren dhe ruajtja e paqes duhet të jenë prioritet,” thuhet në deklaratë.
Ata u bënë thirrje qytetarëve që të sillen me maturi, të shmangin dhunën dhe të bëjnë gjithçka për të qetësuar situatën e tensionuar.
“Paqja duhet të arrihet urgjentisht, sepse është në interes të të gjitha komuniteteve në veri të Kosovës”, tha EULEX.
Ata dënuan dhunën ndaj pjesëtarëve të KFOR-it dhe deklaruan se asnjë nga anëtarët e tyre nuk u lëndua.
