Deputetja e Kuvendit të Kosovës, Duda Balje, ka folur rreth “dëshirave” që i kanë mbetur pa plotësuar.
Në një intervistë relaksuese për lajmi.net, Duda Balje ka treguar edhe çfarë i ka mbetur “pikë në jetë”.
“Gjithmonë do të më mungojë fakti që nuk jam kirurge”, ka treguar Balje.
Duke marrë parasysh se shpesh herë përmendet nga ish-deputeti i Kuvendit të Kosovës, Milaim Zeka, Duda Balje ka pasur edhe një mesazh për këtë të fundit për vitin 2022.
Intervista e plotë e Duda Balje
Lajmi.net: Kujtimi më i mirë dhe më i keq gjatë vitit 2021?
Duda Balje: Kujtimi më i mirë për këtë vit është dalja në pyllin e fqinjit tim, gëzimi i parë pas koronavirusit. Më e keqja nga të gjitha, kur kam mësuar se nëna ime ka Covid 19.
Lajmi.net: Cili është hobi dhe fobia juaj?
Duda Balje: Hobi: bërja e ëmbëlsirave, fobia: lartësia, frika nga lartësitë!
Lajmi.net: Cili është këngëtari/ja juaj i preferuar?
Duda Balje: Kohët e fundit Yll Limani.
Lajmi.net: Çfarë vlerësoni më së shumti tek vetja dhe cili është kompleksi juaj?
Duda Balje: E vlerësoj faktin që jam apatike, nuk kam komplekse!
Lajmi.net: A ka diçka për të cilën jeni penduar ose “iu ka mbetur pikë” në jetë?
Duda Balje: Gjithmonë do të më mungojë fakti që nuk jam kirurge.
Lajmi.net: Komplimenti më i bukur që keni marrë dhe më i keqi?
Duda Balje: Komplimenti më i mirë: Nuk kam takuar kurrë një person të gatshëm dhe të ndjeshëm. Komplimenti më i keq: Jeni shumë më e bukur kur nuk qeshni.
Lajmi.net: Ish-deputeti Milaim Zeka ju përmend shpesh në intervista, çfarë mesazhi do t’i jepnit atij për vitin 2022?
Duda Balje: I dashur Milaim, sa herë që më përmend mua buzëqesh, të uroj shumë buzëqeshje ty dhe vetes në vitin 2022.
Lajmi.net: Nga cili deputet merrni më së shumti komplimente?
Duda Balje: Nga shumica!
