Deputeti i Lëvizjes Vetëvendosje, Mefail Bajqinovci, ka publikuar një video në Facebook, ku pretendon se policia serbe në pikë kalimin kufitar të Bërnjakut po iu merr ryshfet udhëtarëve nga Kosova.
Ai pretendon se polici serb iu ka kërkuar ryshfet mërgimtarëve për të kaluar kufirin.
“Policia serbe duke e plaçkitur mërgatën në kufirin e Bërnjakut. Kjo video tregon se si polici serb ju kërkon ryshfet për të kaluar kufirin”, ka shkruar Bajqinovci në përshkrimin e videos.
