Shtëpia e Bardhë ka akuzuar Korenë e Veriut për “dërgimin e fshehtë” të një “numri të konsiderueshëm” predhash artilerie në Rusi për të mbështetur përpjekjet e saj të luftës.
Por çfarë ka thënë Koreja e Veriut për luftën në Ukrainë dhe çfarë marrëdhënie kanë të dy vendet?
Para fillimit të agresionit rus në Ukrainë, në fund të shkurtit, Koreja e Veriut ishte aleate e Rusisë dhe kishte shprehur mbështetjen për aneksimin e Krimesë në vitin 2014.
Dhe kjo nuk ka ndryshuar që nga shkurti.
Kievi ndërpreu lidhjet me këtë vend pasi ai njohu zyrtarisht dy republika të vetëshpallura të të mbështetura nga Rusia në Ukrainën lindore si shtete të pavarura – Donetsk (DPR) dhe Republikat Popullore të Luhanskut (LPR), në rajonin Donbas të Ukrainës.
Në javët e fundit, Koreja e Veriut ka deklaruar gjithashtu mbështetjen e saj për aneksimin e paligjshëm të Rusisë të katër pjesëve të Ukrainës – dhe akuzoi SHBA-në për aplikimin e “standardeve të dyfishta të ngjashme me gangsterët” në ndërhyrjen në punët e vendeve të tjera.
