Ministri i Infrastrukturës, Liburn Aliu në seancën e sotme të Kuvendit ku po diskutohet për 100 ditëshin e Qeverisë, ka folur për motrën e tij, Suljota Aliun që ditë më parë është raportuar se është punësuar në Këshillin Drejtues të Odës së Farmacistëve të Kosovës, që është në kuadër të Ministrisë së Shëndetësisë.
Aliu ka thënë se motra tij Suljota Aliu është farmaciste me profesion, e specializuar në farmacinë klinike, duke thënë se në Kosovë janë vetëm 90 persona që kanë këtë pozitë.
Ai shtoi se si ka ndodhur ky emërim duhet ta sqarojnë ministria e Shëndetësisë e Oda e Farmacistëve.
“Përveç kësaj, ju e quani punësim, angazhimin e Suljota Aliut, motrës time në një komision në odën e farmacistëve, nuk është e punësuar tash, ajo ka qenë në spital punon në barnatoren e internos, pra përvec asaj gjatë kohës është specialiste e farmicsë klinike, numri i tyre ëshët jashtëzakonisht i vogël, rrjedhimisht gjasat që ajo ka mujt me qenë pjesë e atij komisioni, gjasat janë shumë të mëdha, ka qenë aktive edhe më herët, edhe në kohën kur ka qenë ministri nga partia juaj, ka bërë udhëzime me i ndal hajnitë me barna të ndryshme, e ky nuk ka qenë punësim, është ftuar e ka marrë atë detyrë”, thotë Aliu.
“Qysh është ftuar se kam idenë, mund ta sqarojnë ata që të Odës edhe ministrisë”, shtoi Ministri.
Liburn Aliu ka folur edhe për akuzat që iu janë bërë sot në seancë nga deputetët e opozitës.
“Ju falënderoj shumë që i keni nxit temat nga dita e djeshme, sepse dje fillova mu ni keq që kjo pjesa këndej më mbeti, e dhe pse në përgjegjësinë për atë që ka ndodhë, nuk e di ku peshon më tepër, po besoj që njëjtë”, thotë i njëjti.
“Pra, ju keni dëshirën të përmendni fjalën grup kriminal, pse ju duhet kjo fjalë. Sepse doni me u mbrojtë, duke akuzu dhe ku? Doni me sulmu drejt e te unë, sepse unë jam duke prek qaty, po flas prej z.Nura dhe mbërrijm edhe te ju kadal dale”, thotë tutje ai.
Liburn Aliu ka folur edhe për vizitën e tij në Panama, duke thënë se ka marrë pjesë në një konferenë të sigurisë, ku është diskutuar për shpërlarjen e parave.
“Ju e përmendi Panamanë, po kam qenë në një konferencë të sigurisë ku ka të bëjë më shpërlarjen e parave, kam qenë me ftesë të departamentit të shtetit amerikan, kam pas nderin me marrë pjesë me msu qysh bëhet shpërlarja e parave, e qysh realisht krimi dhe terrorizmi në botë është i lidhur me shëprlarjen e parave, e ky ka qenë mësim i mirë për mu. Ju e dini çka ka me ju prit, sepse unë jam duke u marrë me qato kontrata, në fillim s’kisha as kohë me u marrë me to, por kur fillut me reagu, ja nisa me u marrë. Kemi shumë punë, e en kemi me u marrë me atë punë, e për këtë do të ju siguroj, nuk muj me i mshelë sytë kur më vjen një shkelje përpara. Ju përpiqeni me bo shpifje të ndryshme, unë shumë qartë ia shpjegova dje, kemi të bëjmë me punë shtesë, punë shtesë cilido inxhinier, cilido person që merret me menaxhment, ju e dini mirë punën e menaxhmentit, keni firma të ndryshme, e dini çka i bjen kontrata, çka i bjen puna shtesë”, deklaroi ai para deputetëve.
