I pari i Prishtinës, Shpend Ahmet ka folur për rastet me koronavirus në kryeqytet, për të cilat thotë se janë në ulje.
Përmes një postimi në Facebook, Ahmeti tha se kjo valë u ngadalësua, por sipas tij, vaksinimi mbetet e vetmja zgjidhje e qëndrueshme.
“Sipas statistikave zyrtare të IKSHP deri më sot në Prishtinë kemi regjistruar 40 mijë raste me COVID 19, dhe 350 persona kanë vdekur nga virusi.
Sot, aktiv i kemi 352 raste. Si duket edhe kjo valë u ngadalësua. Por, kjo nuk do të thotë se nuk do të kemi valë të tjera. Vaksinimi mbetet e vetmja zgjidhje e qëndrueshme”, shkroi Ahmeti.
