‘Florona’ apo gripi + korona është hasur si rast i parë në Izrael.
Sipas raportimeve të medieve izraelite, thuhet se pasi virusi i gripit dhe SARS-Cov-2 hyjnë në trup në të njëjtën kohë, dëmtojnë sistemin imunitar në masë të madhe, përcjell lajmi.net.
Raportimet thonë se rasti i parë ishte tek një grua shtatzënë e cila u shtrua në spital për lindje. Sipas gazetës izraelite Yedioth Ahronoth, e reja nuk ishte vaksinuar as për grip sezonal, e as për Covid-19.
Kjo vjen mes rritjes së rasteve të varianteve Omicron dhe Delta. Por ky nuk cilësohet si një variant i ri.
Sipas mjekëve izraelitë, rastet e gripit kanë shënuar një rritje në javët e fundit.
