Trent Alexander Arnold ka dhënë disa komente interesante në paraqitjen e tij të fundit për media.
Një nga mbrojtësit më të mirë në botë në pozitën e tij, Arnold, është pyetur se kush do të ishin dy lojtarët që do t’i transferonte te Liverpool, në video-lojën FIFA.
TAA ka zgjedhur një mesfushor dhe një sulmues për transferimet e tij. Njëri luan me Manchester City, tjetri me Tottenham Hotspur, përcjell lajmi.net. Bëhet fjalë për Kevin De Bruyne dhe Heung Min Son.
“De Bruyne dhe Son”, ishte përgjigja e shkurtër e Arnold.
“De Bruyne sepse e pëlqej shumë si lojtar. Vizioni i tij, teknika, saktësia. Lojtar i shkëlqyer. Asistet dhe shanset që krijon ai janë të mahnitshme”, shtoi mbrojtësi.
“Son, përsëri, lojtar i shkëlqyer. Shpejtësia, finalizimi”, ishin përgjigjet e TAA.
Trent vlerësohet nga shumë ndjekës të futbollit si mbrojtësi më i mirë në krahun e djathtë në futbollin aktiv.
