Ish-pronari i Milanit, Silvio Berlusconi, i bashkohet frontit të atyre që janë kundër prishjes së Stadio Giuseppe Meazza.
Ish-presidenti kuqezi mori detyrën në shkurt 1986 dhe kaloi 31 vjet duke qenë pronar i klubit.
Milani fitoi tetë Scudetto, pesë Kupa Evropiane, një Coppa Italia, gjashtë Supercoppa Italiana, dy Kupa Interkontinentale, pesë Superkupa UEFA dhe Kupën e Botës për Klube FIFA gjatë kohës së Berlusconit në Via Aldo Rossi.
Pronari aktual i Monzas shprehu shqetësimin e tij për ‘rrënimin’ e San Siros, pasi Interi dhe Milani po planifikojnë të ndërtojnë një stadium të ri dhe modern në kryeqytetin e modës.
“Shkatërrimi i San Siros do të ishte shumë i dhimbshëm”, tha Berlusconi për ‘Corriere della Sera’. “Është një ikonë e futbollit, e njohur në të gjithë botën.
“Shkatërrimi i San Siros do të ishte një plagë e thellë.”
Kështu Berlusconi ndau pozicionin e ish-patronit të Interit Massimo Moratti, i cili i tha të njëjtës gazetë në shtator 2019 se e kupton nevojën për një stadium modern.
Por, ish-presidenti ‘Nerazzurri’ nuk mund ta konceptojë Milanin pa San Siron, ashtu si Berlusconi.
“Pasja e një stadiumi të ri është drejtimi që klubet duhet të shkojnë për lojën moderne, me fokus të shtuar te biznesi dhe të ardhurat. Është ndoshta një hap i domosdoshëm dhe i pashmangshëm”, tha Moratti për ‘Corriere della Sera’ në vitin 2019.
“Megjithatë, do të përfshinte gjithashtu heqjen dorë nga një pjesë e historisë së secilit, që është San Siro. Është ndoshta stadiumi më i dashur në Itali”, është shprehur Moratti.
