Sot ka përfunduar dëshmia e dëshmitarit të tetë në rastin e ish-pjesëtarit të UÇK-së, Salih Mustafa.
Seanca e sotme ka qenë private, ndërsa gjatë ditës së djeshme, dëshmitarja identiteti i së cilës ka mbetur i pazbuluar, ka folur për zhvarrosjen e dy trupave në afërsi të Zllashit, transmeton lajmi.net.
Kujtojmë se aktakuza ndaj Salih Mustafës nga Gjykata Speciale është konfirmuar më 12 qershor të vitit të kaluar, ndërsa ai u arrestuar më 24 shtator të atij viti nën dyshimet për krime lufte.
Që nga ajo kohë, Mustafa ka vazhduar të jetë nën masën e paraburgimit në Hagë, ndërsa në deklarimin e tij është deklaruar i pafajshëm.
