Pas shpalljes së rezultateve të zgjedhjeve lokale, kanë qenë të shumta reagimet e kandidatëve që pësuan humbje në këto zgjedhje.
Kandidatja e Vetëvendosjes në Gjakovë, Mimoza Kusari Lila, pasi humbi zgjedhjet, uroi Ardian Gjinin për fitore.
E urim dha edhe bashkëpartiaku i Mimozës në Prishtinë, Arben Vitia. Sipas tij, inkuadrimi i vonshëm në fushatë është njëra prej arsyeve që e penalizuan në këtë garë.
Menjëherë pas rezultateve, përgëzime për kundërshtarin e tij politik pati edhe Lutfi Haziri i LDK-së.
Ndërkaq Xhafer Tahiri urimin për rivalin politik, u përkujdes ta bëjë nga afër.
