Kryeministri Albin Kurti i shoqëruar nga bashkëshortja Rita Augestad Knudsen ka marrë pjesë në Forumin e Paqes në kryeqytetin francez që u organizuar nga presidenti Emanuel Macron. Kurti ka publikuar një sërë fotografish nga Parisi mes tyre politikanë e artistë që ishin pjesëmarrës në forum.
Kurti ka realizuar ‘selfie’ me zëvendëspresidenten e ShBA-së, Kamala Harris.
Kurti është pritur në pallatin Elysee në Paris nga nikoqiri i Forumit të Paqes, Emmanuel Macron me ç’rast ka realizuar edhe fotografi me presidentin dhe bashkëshorten e tij.
Kryeministri kosovar ka realizuar një fotografi edhe me aktorin e hollivudit, Forest Whitaker.
Shefi i ekzekutivi ka realizuar fotografi edhe me presidentin e Këshillit të BE-së, Charles Michel.
Ai në fotoalbumin e postuar në Facebook, ka realizuar fotografi edhe me presidentin Milo Gjukanoviq e Zeljko Komshiq.
Analisti kosovar dhe njohësi i zhvillimeve politike, Petrit Zogaj, ka reaguar pasi kryeministri i Kosovës, Albin Kurti, ka publikuar disa ‘selfie’ me disa nga pjesëmarrësit në Samitin e Paqes në Paris të organizuar nga e Emmanuel Macron.
Zogaj thotë se në vend të fotografive duke mbajtur ndonjë fjalim në këtë Samit, Kurti e shpenzon kohën me ‘selfie’, dhe shton se i vetmi njeri i gatshëm për t’u takuar me kryeministrin është Josep Borell.
