Fëmija i vetëm i familjes Rafuna e gjeti vdekjen vetëm pak metra larg shtëpisë së tij në Gjilan.
Mosmarrëveshja që çoi në humbjen e jetës së tij dhe shkaktoi plagosjen e një tjetri, dyshohet se nisi për një borxh në të holla.
Për këtë informacion të lëshuar nga Prokuroria Themelore e Gjilanit nuk ishin në dijeni familjarët e të ndjerit të cilët thanë se djali i tyre nuk ka pasë problem me askënd dhe se ende nuk i dinë motivet që çuan deri në vrasjen e tij.
