Të drejtën për të votuar e kanë të gjithë votuesit e komunave për të cilat do të zhvillohet raundi i dytë i zgjedhjeve.
Pasi ta merrni fletëvotimin sigurohuni që fletëvotimi është i vulosur.
Në fletëvotim janë dy kandidatë, Ju duhet të votoni vetëm njërin kandidat/e.
Për të mbrojtur fshehtësinë e votës, paloseni fletëvotimin para se të largoheni nga kabina dhe më pas vendoseni në kutinë e votimit.
Vendvotimet dhe lokacionet do të jenë të njëjtat, ashtu siç kanë qenë me 17 tetor 2021.
Të gjitha vendvotimet do të hapen në orën 07:00 dhe do të mbyllen në orën 19:00.
