KB Peja ka shtuar edhe një basketbollist të huaj në radhët e saj.
Klubi pejan ka arritur marrëveshje me amerikanin Tyrone White i cili ka luajtur në ligen e dytë më të fortë në SHBA, atë të G-League ku ka pasur performanca të shkëlqyera, thuhet në faqen zyrtare të klubit pejan.
Gjithashtu, lojtari në fjalë ka luajtur në shtetet e Amerikes Jugore si në eliten e basketbollit në Argjentinë, Venezuelë e Meksikë me paraqitje mbresëlënëse.
Ky transferim vie pak ditë pasi klubi pejan konfirmoi se e kanë pezulluar lojtarin kroat, Henrik Sirko pas një incidenti pas përfundimit të ndeshjes ndaj Yllit në Suharekë fundjavën e kaluar.
Tyrone raportohet se do të zëvendësojë Sirkon i cili tashmë është larguar nga skuadra, megjithatë ky lajm nuk është konfirmuar ende nga klubi pejan.
