Daut Haradinaj, kandidat i AAK-së për kryetar të Prishtinës ka shuar kureshtjen për të gjithë ata që janë interesuar të dinë pse ai në paraqitjet e veçanta publike vesh të njëjtën bluzë.
Vetëm gjatë kësaj kohe të fushatës, Haradinaj ka veshur dhjetëra herë një bluzë me ngjyrë vjollcë.
Haradinaj ka treguar se ka një arsye të fortë që është parë shpesh me të njëjtën veshje.
Ai në Frontalin zgjedhor në T7 ka treguar se modelin e kësaj bluze që e vesh vetëm në momentet e veçanta e ka dhuratë nga heroi i Kosovës, Ardian Krasniqi.
“Sot ka përvjetorin e rënies një mik i imi, Ardian Krasniqi. Një luftëtar i madh, model i një luftëtari qoftë në aspektin fizik qoftë edhe në atë akademik. Rrugës ka kem ardhë nga Shqipëria jem ndal në Jabllanicë, edhe ka qenë kohë me shi. Ai ma ka dhanë një xhemper ngjyrë kuqe të mbylltë. Nuk është ky që kam por është i ngjashëm. Dhe në shenjë respekti për Ardianin, dhe kur kam një ngjarje të veçante e veshi. S’kur për Mujën që e lëshoj mjekrën kur vjen nëntori. Është hera e parë që e flas, sepse nuk kam qejf me i përzi, sepse s’dua me i përzi emocionet e sakrificës me fushatën, por as nuk duhet të heqim dorë nga e kaluara”, ka thënë Haradinaj në Frontal.
