HomeLajmeKosovaShpend Ahmeti ka një njoftim për prishtinasit që e kanë kaluar Covid-19

Shpend Ahmeti ka një njoftim për prishtinasit që e kanë kaluar Covid-19

October 8, 2021, 11:26

243

Kryetari i Komunës së Prishtinës, Shpend Ahmeti, ka njoftuar se ka filluar dhënia e vërtetimeve për qytetarët të cilët kanë qenë me Covid-19.

Ahmeti ka shpërndarë në Facebook njoftimin në të cilin bëhet e ditur se vërtetimi vlen vetëm për personat që kanë qenë të diagnostikuar me Covid-19 në 180 ditët e fundit para publikimit të njoftimit.

Po ashtu, aty bëhet e ditur se Komuna e Prishtinës nuk merr përgjegjësi nëse emri i të infektuarve me Covid-19 nuk figuron në listën zyrtare të dërguar nga Instituti Kombëtar i Shëndetësisë publike të Kosovës.