Mesfushori i Real Madridit, Toni Kroos dje pas një kohë të gjatë zhvilloi disa minuta në fushë.
Gjermani kishte pësuar lëndim, derisa dje u zëvendësua në humbjen befasuese nga Sheriff Tiraspol.
Për Goal, Kroos ka folur për dështimin në transferimin e Kylian Mbappe në verë dhe këshillën që i kishte dhënë trajneri Zinedine Zidane.
“Në verë kisha thënë që do doja që një lojtar i tillë të vinte, por nëse nuk vjen, kemi skuadër të mirë”.
“Të shohim çfarë do ndodh në të ardhmen, është vështirë për mua të them sepse nuk jam ai që vendos. Kualiteti i tij nuk ka ndryshuar, është lojtar i mirë dhe çfarë dimë është që Madridi e donte, por në fund nuk kishin sukses”.
“Çdo gjë vazhdon, edhe pa Mbappe këtu. Mendoj se jemi duke bërë mirë dhe e ardhmja nuk ka ndryshuar: Lojtarët më të mirë duhet të jenë në Madrid dhe ai është një ndër ta”, deklaroi ai.
Tutje, Kroos foli edhe për dy trajnerët Zinedine Zidane dhe Carlo Ancelotti.
“Më kujtohet diçka që Zizou më tha para dy viteve, kur isha 29 dhe kishim fituar tre herë Ligën e Kampionëve bashkë. Ai tha se si lojtar me eksperiencë, në moshën 30 ose 31 më e mira do vijë”.
“Të shohim nëse karriera ime është ashtu gjithashtu. Mendoj se në moshën 31-vjeçare mund të luajë shumë mirë”.
Ndërkohë, Kroos zbuloi edhe marrëdhënien me Ancelottin.
“Kam lidhje të mira me të që nga viti 2014. Nuk kam luajtur shumë deri më tani, pra nuk e di (nëse ka ndryshuar) sepse nuk kam pasur shumë bisedime me të”.
“Është vështirë të komentojë arsyen. Ka ndryshime, por mund të them se lidhja jonë vazhdon të jetë shumë e mirë”, përfundoi ai.
Pritet që gjermani të vazhdojë tani të jetë titullar si edicionet e kaluara.
