Norwich ka humbur edhe ndeshjen e sotme ndaj Everton si mysafir me rezultat 2-0.
Norwich kanë vazhduar me rekordin katastrofal në këtë start të kampionatit, duke regjistruar humbjen e gjashtë në po aq xhiro.
Në fakt, Norwich janë skuadra e vetme që i kanë humbur të gjitha ndeshjet e Premier Ligës deri tani këtë sezon, nga 20 skuadrat sa janë në total.
Skuadra e Rashicës renditet e fundit në tabelë si skuadra e vetme me zero pikë, dhe me një gol-diferencë katastrofale prej -14.
Miloti në ndeshjen e sotme ndaj Everton ishte në bankë rezervë dhe u inkuadrua në pjesën e dytë, duke i kompletuar 21 minuta, por që nuk kishte ndonjë moment për ta veçuar në këto pak minuta të tij.
Reprezentuesi i Kosovës ende nuk ka regjistuar një gol apo asist pas gjashtë xhirove të para të këtij sezoni në Premier Ligë me ‘kanarinat’.
