Kryetari i delegacionit të Kosovës në bisedime për çështje e personave të zhdukur, Andin Hoti i cili në mandatin e kaluar ishte pjesë Partisë Demokratike të Kosovës (PDK), është larguar përfundimisht nga kjo parti.
Këtë e ka bërë të ditur në ATV, anëtari i kryesisë së PDK-së, Adri Nurellari.
“Po njerëzit që marrin poste, pastaj në këmbim të posteve që marrin e ndryshojnë edhe besnikërinë e tyre. Nuk është rasti i parë që dikush largohet nga PDK-ja dhe shkon i bashkohet një partie tjetër, i ndërron qëndrimet dhe pozicionet,” – the ai.
Tutje Nurellari e ka përsëritur qëndrimin e PDK-së rreth pretendimeve për ekzistencën e arkivave të UÇK-së duke shtuar se kushdo që thotë se ato ekzistojnë, e dëmton Kosovën dhe se është qëndrim i papërgjegjshëm.
