Një zëdhënës i talibanëve deklaroi se gratë nuk do të marrin asnjëherë ndonjë post ministror në qeveri, sepse, sipas tij, kjo është nje barrë që ato s’mund ta mbajne. Në një intervistë për televizionin afgan, Tolo, zëdhënësi Sayed Zekrullah Hashimi, deklaroi se talibanët nuk vlerësojnë se gratë janë gjysma e shoqërisë dhe se emërimi në ministri për to do të ishte si t’u vendosësh diçka në qafë që s’mund ta mbajne.
Videoja e publikuar në internet e shfaq bisedën mes zëdhënësit të talibanëve dhe një prezantuesi. Zëdhënësi Hashimi dëgjohet duke thënë se gratë që po protestojnë në rrugë nuk janë gra të Afganistanit. Gra të Afganistanit janë ato që lindin afganë, që i edukojnë ata për etikën islame”, deklaroi zedhenesi taliban.
Talibanët janë munduar që ta distancojnë veten nga politikat e regjimit të vjetër, por ka raportime të shumta për rrahje të protestuesve dhe ndalimin e sportit për gratë.
