Sindikata e Pavarur e Sektorit Privat të Kosovës ka kërkuar sot që të përfshihen në pagat shtesë edhe punonjësit e sektorit privat që janë të angazhuar në spitale dhe ambulanca në këtë kohë pandemie.
Kryetari i kësaj sindikate, Jusuf Azemi theksoi se janë këmbëngulës për realizimin e kërkesave të tyre, derisa e qeverinë e quajti të marrë për diskriminin e punëtorëve.
“E gjithë kjo marrëzi e qeverisë për dallimin dhe diskriminimin që po bën për pagat shtesë ndaj punonjësve që janë në front të parë me COVID-19 nuk duhet të ndodhë, pasi nuk përkon me sloganin parazgjedhor “Krejt dhe Drejt”, tha ai në një konferencë për media.
Nëse nuk realizohen kërkesat e tyre, për hir të situatës së krijuar nga COVID-19, kjo sindikatë ka paralajmëruar se nuk do të organizojë protestë para datës 30 shtator.
