Ish-kandidati i Lëvizjes “Vetëvendosje” për deputet, Driton Vela, përmes një postimi në Facebook, e dreqosi sërish. Përderisa u mundua të thotë diçka për analfabetizmin, e “masakroi” gjuhën shqipe.
“Prej analfabetëve funksional e militantëve partiak kalojmë në ambasadorë si Dren Doli, djalosh i jashtëzakonshëm!”, shkroi Vela në Facebook.
Si për ironi, duket se edhe vetë Vela mund të futet në grupin e parë, të përmendur në postimin e tij, sepse bie në sy mungesa e njohurive për formimin e shumësit të emrave të gjinisë mashkullore në gjuhën shqipe.
Më saktësisht, i ka shkruar në njëjës mbiemrat “funksional” e “partiak”, ndonëse ata janë të vendosur pas emrave në numrin shumës – “analfabetëve” e “militantëve”.
