Një rast i dhunës në familje ka ndodhur mbrëmë në rrugën “Bahri Kuqi” në Vushtrri. Siç njofton policia, një burrë është arrestuar për shkak të ushtrimit të dhunës ndaj gruas dhe fëmijëve dhe në shtëpinë e tij është gjetur dhe sekuestruar një armë me 21 fishekë.
Gruaja ka refuzuar trajtimin mjekësor dhe tek e njëjta nuk janë vërejtur lëndime të dukshme, thotë policia.
Megjithatë, i dyshuari pas intervistimit është liruar në procedurë të rregullt.
Njoftimi i plotë i policisë:
DHUNË NË FAMILJE & ARMËMBAJTJE PA LEJE /Rr. Bahri Kuqi, Vushtrri 04.09.2021 – 20:59. Është arrestuar i dyshuari mashkull kosovar për shkak se kishte ushtruar dhunë ndaj bashkëshortes dhe fëmijëve të saj. Në shtëpinë e të dyshuarit është gjetur dhe sekuestruar një armë zjarri me 21 fishekë. Viktima e ka refuzuar tretmanin mjekësor dhe tek njëjta nuk janë vërejt lëndime të dukshme. Pas intervistimit i dyshuari me urdhër të prokurorit është liruar në procedurë të rregullt.
