Masat e reja të qeverisë së Kosovës për të parandaluar përhapjen e koronavirusit po vazhdojnë të shkaktojnë kolona në kufirin mes Shqipërisë dhe Kosovës.
Shumë kosovarë po kthehen nga pushimet apo qëndrimet në bregdetin shqiptar, teksa në kufi në hyrje për në Kosovë, që prej 5 ditësh u duhet të paraqesin dëshmi të vaksinimit apo teste negative jo më të vjetra se 72 orë. E kjo ka shkaktuar kolona të gjata dhe pritje në kufi.
Personat që nuk kanë këto dëshmi të kërkuara nga autoritetet kanë deklaruar se do të izolohen për 7 ditë ashtu dhe siç kërkohet.
