Me shtrëngimin e masave Anti-COVID është rritur numri i gjobave të shqiptuara ndaj qytetarëve.
Policia e Kosovës po vazhdon të shqiptoj gjoba ndaj atyre që nuk po respektojnë ligjin për pandeminë.
Ndërsa, vetëm në 24 orët e fundit policia ka shqiptuar 4 mijë e 263 gjoba ndaj atyre që nuk kanë respektuar këtë ligj.
Po ashtu, policia ka shqiptuar edhe 1 mijë e 465 gjoba në trafik.
Me marrjen e masave të fundit mbrojtëse ndaj COVID-19, është shtuar numri i zyrtarëve policorë që po patrollojnë në pjesë të ndryshme të vendit.
Kësisoj është shtuar edhe numri i gjobave.
Kujtojmë që Kosova po regjistron shifra të larta të infektimeve me COVID-19 dhe viktimave nga ky virus.
Andaj qytetarëve u është kërkuar që të vaksinohen dhe të respektojnë masat mbrojtëse që të mbrohen nga koronavirusi.
