Policia e Kosovës e ka arrestuar sot një 64-vjecar në Suharekë, për shkak se i njëjti e ka kanosur vëllain dhe kunatën e tij.
Sipas policisë në vendngjarje është gjetur një pistoletë me 37 fishekë.
Me vendim të prokurorit i dyshuari është dërguar në mbajtje për 48 orë.
Njoftimi i plotë:
Me datë 1 korrik 2021, policia në Suharekë kishte pranuar një informacion se një person i dyshuar kishte kanosur vëllain dhe kunatën e tij. I dyshimti ishte në posedim të armës ilegale dhe shkak për kanosjen ishte mosmarrëveshja pronësore.
Policia kishte dalë në vendin e ngjarjes por i dyshimti fillimisht armën nuk e kishte deklaruar, ndërsa gjatë kontrollit të hapësirës për rreth policia gjeti një qante dore ku brenda kishte tredhjet e shtatë (37) fishek të pistoletës.
Pas autorizimit nga gjykatësi i procedurës paraprake, hetuesit kryen kontrollin e tri shtëpive të banimit dhe në cilësinë e provës materiale policia sekuestroj një armë të tipit revolver dhe pesë (5) fishek kalibër i panjohur.
Për të gjitha veprimet u informua prokurori i shtetit dhe me aktvendim të tij, i dyshimti A.B i lindur në vitin 1957, u ndalua ne mbajtje në afat prej 48 orë.
Rasti është duke u hetuar.
