Deputeti nga LDK-ja, Avdullah Hoti ka thënë se falja e borxheve gjatë pandemisë duhet të bëhet, derisa ka shtuar se këtë kërkesë nuk do ta mbështeste në situatë normale.
“Është një kërkesë krejt legjitime, në një situatë normale asnjëherë nuk do ta mbështesja faljen borxheve. Gjendja ekonomike në Kosovë është kthyer siç ka qenë para se të hynim në pandemi”.
Ish-kryeministri Hoti ka shtuar se rënia ekonomike në vitin 2020 është përgjysmuar.
“Unë mendoj që janë dy faktorë që duhet t’i theksojmë qartë. E para është një pako shumë gjeneroze ekonomike e filluar në qeverinë ‘Kurti I’, e zhvilluar në qeverinë e kaluar. E di që kemi arritur të mobilizojmë rreth 800 milionë euro për ekonominë. Ne kemi arritur që të përgjysmojmë rënien ekonomike për vitin 2020. Poashtu edhe remitancat e mërgimtareve janë dy faktorët që kanë ndikuar në përgjysmimin e rënies ekonomike gjatë vitit 2020”, tha ai.
