Hetimet në vendngjarje janë mbyllur, ndërsa droga e sekuestruarnë Lipjan, brenda disa javësh do të asgjësohet.
Para dy javësh e gjithë vëmendja e opinionit publik ishte në këtë vend.
Qindra kilogramë drogë të llojit kokainë u sekuestruan në magazinën e kësaj kompanie.
Shtatë persona që dyshohet se kanë pasur lidhje me këtë rast janë në paraburgim.
E i vetmi që ka mbetur është një zyrtar i lartë i kompanisë, të cilit nuk i pëlqeu prania e ekipit të televizionit afër kompanisë.
Ndërsa siç merr vesh televizioni, pesë ditë kanë zgjatur hetimet nga organet e hetuesisë në këtë hapësirë.
E droga e sekuestruar tani gjendet në hapësirat e dhomave të dëshmive brenda Policisë së Kosovës.
Deri te asgjësimi i saj, sipas njohësve të sigurisë mund të merr kohë deri në dy muaj.
Kjo sasi e sekuestruar llogaritet si një ndër sasitë më të mëdha të kapura ndonjëherë në Kosovë.
Por a ka kapacitete Policia e Kosovës që ta asgjësojë një sasi të tillë dhe ku mund të asgjësohet kjo sasi e drogës?
Televizioni ka pyetur edhe në Prokurorinë Speciale të Kosovës se deri ku kanë shkuar hetimet në lidhje me këtë rast.
Mirëpo, të njëjtit nuk i janë përgjigjur interesimit të televizionit gjatë ditës së martë.
