Ish-kryenegociatorja e Kosovës për dialogun me Serbinë, Edita Tahiri, ka bërë një postim në Facebook, lidhur me seancës e radhës të Këshillit të Sigurtimit të OKB-së ku do të diskutohet për raportin gjashtëmujor të sekretarit të Përgjithshëm Antonio Guterres, për punën e UNMIK-ut në Kosovë.
Ajo tha se sot “Kosova e ndëshkuar e me sanksione dhe me qeveri antiamerikane do të përballet me Serbinë të pandëshkuar, gjenocidbërëse dhe pro-ruse në takimin e Këshillit të Sigurimit”.
Tahiri tutje shkroi se “Kosova është në një pozitë të mjerueshme”.
“Kosova e ndëshkuar me sanksione dhe me qeveri antiamerikane do të përballet sot me Serbinë të pandëshkuar, gjenocidbërëse dhe pro-ruse në takimin e Këshillit të Sigurimit, çfarë pozite e mjerueshme e Kosovës. “Moj Shqypni e mjera Shqypi”, është poezia që e përshkruan Kosovën sot”, ka shkruar Tahiri.
