Bizneset ftohen të aplikojnë për Tregun Veror në Prishtinë, hapet më 15 gusht

Komuna e Prishtinës ka ftuar të gjitha bizneset që deri më datën 7 gusht të aplikojnë për t’u bërë pjesë e Tregut Veror që do të hapet më 15 gusht në rrugën “Xhorxh Bush” në Prishtinë.“Po vjen Tregu Veror në Prishtinë! Nga data 15 Gusht deri më 15 Shtator 2024, rruga ‘Xhorxh Bush’ do të shndërrohet në një vend argëtimi me 40 shtëpiza druri, muzikë, ushqim dhe pije të mrekullueshme! Ku? Nga kryqëzimi me Rr. ‘Bill Klinton’ deri tek kryqëzimi me Rr. ‘Garibaldi’. Orari? Çdo ditë nga ora 10:00 deri në orën 24:00”, thuhet në njoftimin e Komunës.