Tahiri për projekt-buxhetin 2024: Qeveria Kurti po e shpërndanë paranë publike për qëllime elektorale

Kryetari i grupit parlamentar të AAK-së, Besnik Tahiri, ka reaguar për seancën e sotme të kuvendit, ku do të diskutohet buxheti për vitin 2024.“Sot, në Kuvend do të diskutohet Buxheti 2024. Me një lexim të kujdesshëm shihet qartë se me këtë dokument qeveria ka goditur shtyllat vitale të ekonomisë, e ka kthyer buxhetin në skema sociale, jo për të përmirësuar jetën e pensionistëve e as të punësuarëve në institucione shtetërore, por duke e çkepur paranë publike për qëllime elektorale. Shpejt ju vie fundi edhe juve, ju shkuan 3 vjet e kryhet edhe viti 2024. Turp!”, ka shkruar Tahiri.