Instituti Kombëtar i Shëndetit Publik u ka bërë thirrje qytetarëve që furnizohen nga Badoci që të mos e përdorin ujin për pije dhe as për përgatitje të ushqimit pasi në analizat e bëra fiziko-kimike të mostrave të ujit prodhuar në fabrikën që furnizohet nga Liqeni akumulues i Badocit ka vlera të rritura të Manganit
Në njoftim thuhet se IKSHPK ka ngritur shkallën e gatishmërisë dhe kontrollit të cilësisë së ujit për pije në zonën e mbulueshmërisë.
Zonat që nuk duhet ta përdorin ujin për pije dhe përgatitje të ushqimit janë:
Qyteza e Graçanicës, fshatrat e Graçanicës qe furnizohen nga ITUP Badovc, përveç fshatrave që furnizohen nga NJOU Lipjan, Ajvalia komplet, lagjet Veterniku, Lagjet 038 dhe te gjitha tjerat qe gravitojnë ne brezin Gracanice – Prishtine, pastaj Lagjet Qendresa, Qendresa Home, Swiss Village, fsh. Preoc, Cagllavice, Rruga Behar Begolli, Richard Holbrooke, Qendra Albi Mall, Rruga Shkupi, Holger Petersen, Malush Kosova, objektet individuale nga rruga Malush Kosova, deri te “kisha ne Matiçan” zonat ne drejtim te zonës industriale drejtimi per Lipjan, Lagja Qershia, Lagja NIC, zona afër Xhamise ne Veternik, Matiçan drejtimi nga Pallati i Drejtesise, fshati ndërkombëtar, Mati rruga Muharrem Fejza me te gjitha rrugicat drejtimi deri te QKUK, rruga Enver Maloku, objektet ne lagjen Kodrina, objektet Tregtia, Iliria Building, objektet e Standardit (Sociale), dhe objektet e kyçura direkt ne linjat magjistrale Badovc Prishtine, rruga Ferat Dragaj, Hajrullah Abdullahu, Hilmi Rakovica, Vllezerit Gervalla, Afrim Zhitija, Armend Daci, Dervish Rozhaja, Thimi Mitko, pjesa e zonës “te Xhambazt”, rruga Sali Nivica, Norbert Jokl, Thimi Mitko, objektet banesore ne Bregun e Diellit zonat Qender dhe zonat tjera afër Qendres Tregtare ne brezin rrugor Xheladin Rekaliu deri te kryqëzimi i rrugës te konviktet, zonat afër shkollës Ismail Qemali, rrugët Mehmet Gradica, Hyzri Talla, Qamil Bala.
Mund te ketë edhe objekte tjera brenda lagjeve siç është rruga “Enver Maloku” dhe rruga “Shkupi”, ku një pjese e objekteve furnizohen nga sistemet tjera, ndërsa një pjesë nga Badovci.
Ndërkaq, pas njoftimit të IKSHPK-së ka reaguar edhe Kompania rajonale e Ujësjellësit “Prishtina”.
“Andaj, bazuar në gjendjen momentale, me rekomandim te IKSHPK, KRU ‘Prishtina’ njofton qytetarët që furnizohen nga ITU Badovc, se uji nuk rekomandohet për pije dhe për gatim, deri në njoftimin e radhës. Per informacion KRU ‘Prishtina’ ne komunikim me IKSHPK, ka bere furnizimin e QKUK-së permes alternatives tjeter (Furnizimi Shkabaj – Batllave), duke ofruar fillimisht siguri ne furnizim per nevojat e QKUK-së, sepse uji nga sistemi i Liqenit Batllava (Shajkovc) dhe uji nga Sistemi i Ibrit (Shkabaj) eshte i sigurt per pije”, thuhet në] njoftim.
Më tej thuhet se KRU “Prishtina” ka në gjendje gatishmërie autobotin me ujë të pijes, i cili në çdo kohë mund të dalë në terren për të shpërndarë ujë për të pirë.
