Madje, sipas Kurtit, Vuçiq kupton aq nga historia, saqë nuk e di se epopeja dhe çlirimi nuk fabrikohen dhe nuk kopjohen.
Kurti ka thënë se në takimin e 2 majit në Bruksel, Vuçiq i kishte thënë se Milan Radojçiq do të bëhet Adem Jashari i serbëve.
Ky është postimi i plotë i Kryeministrit:
Kosova është shtet demokratik dhe vend properëndimor: kush integrohet, jeton më mirë. Serbët në Kosovë nuk kanë nevojë për çlirim nga Republika e Kosovës por nga veglat terroriste të Serbisë.
Vuçiq është i obsesionuar me kryekomandantin e UÇK-së, Adem Jasharin. Ai dëshironte që me 24 shtator ta shndërronte Manastirin Ortodoks të Banjskës në “Kullë të Jasharajve” për serbët e Kosovës! Në takimin e 2 majit në Bruksel na tha që Millan Radojçiq do të bëhet Adem Jashari i serbëve. Por, duke qenë diktator, ai s’e kupton historinë: epopeja dhe çlirimi nuk fabrikohen dhe as s’kopjohen.
