Ministria e Industrisë, Ndërmarrësisë dhe Tregtisë njofton për “rezultate pozitive për ekonominë tonë”. Siç u bë e ditur, investimet e huaja direkte në Kosovë “janë në rritje të vazhdueshme”.
Sipas të dhënave që ka siguruar Indeksonline nga ky dikaster, ajo që bie në sy është rënia për rreth 50 % e investimeve nga Shtetet e Bashkuara të Amerikës.
Për periudhën janar-qershor 2023 nga SHBA ka 25.35 milionë euro investime, krahasuar me periudhën e njëjtë të vitit të kaluar (2022) ku kishte investime 48.39 milionë euro.
SHBA në 2022 mbante vendin e tretë për investime në Kosovë, kurse këtë vit ka rënë në vendin e gjashtë.
Në tabelën e mëposhtme që ka siguruar Indeksonline shihet edhe rënia e investimeve nga shtetet tjera siç janë: Gjermania, Zvicra, Shqipëria e Sllovenia.
