Para pak çastesh, Policia e Kosovës ka arrestuar drejtuesin e Mbrojtjes Civile, Milun Milenkoviç, i njohur si Lune.
Kështu njoftoi ministri i Punëve të Brendshme, Xhelal Sveçla, i cili theksoi se ai është udhëheqës i formacionit kriminal “Mbrojtja Civile”, raporton IndeksOnline.
Gjatë arrestimit të tij, janë sulmuar zyrtarët e Policisë së Kosovës me ç’rast dy nga ta janë të lënduar lehtë.
E ky aksion i policisë nuk iu ka pëlqyer serbëve të veriut të cilët kanë nisur të mblidhen me të rënë alarmi i urgjencës.
E tani edhe KFOR-i ka shtuar masat e sigurisë ku po bëhet monitorim edhe nga ajri.
Lexuesit e IndeksOnline kanë dërguar video te disa automjeteve të rënda të KFOR-it teksa lëviznin nga Vushtrria në drejtim të Mitrovicës.
