Politikani opozitar serb, Boban Bodganoviq, tha se është ftuar nga Shërbmet Sekrete Serbe (BIA), për bisedë informative, derisa shtoi se nuk e di arsyen dhe temën e bisedës.
Ai shkroi në Twitter se duhet të paraqitet sot në orën 09:00, e supozon se tema do të jetë mbështetja që po i jep integrimit të Serbisë në NATO dhe dialogun me Kosovën.
“Nesër në orën 09:00 jam i ftuar në ambientet e Agjencisë së Sigurisë (BIA) për një intervistë informative. Nuk e di cila është arsyeja dhe tema e bisedës, por supozoj se bëhet fjalë për mbështetjen time për Serbinë për integrimin euroatlantik dhe dialogun mes Serbisë dhe Kosovës”, tha ai dje.
Bodganoviq është kryetar i subjektit “Odgovor”. Më 14 dhjetor të 2022-s pati vizituar Kosovën, ku nënshkroi marrëveshje me nismën qytetare “Liri, Drejtësi, Mbijetesë” të ministrit të Qeverisë së Kosovës, Nenad Rashiq.
