Kryeministri i Kosovës Albin Kurti sot po merr pjesë në Samitin e Ballkanit Perëndimor në kuadër të Procesit të Berlinit.
Kurti në takimin që është mbajtur me gjashtë vendet e rajonit, ka folur për situatën energjetike. I pari i ekzekutivit ka thënë se gazi i lirë i Rusisë i kushton shumë sigurisë së Evropës dhe jetëve të popullit të Ukrainës.
“Ne kemi nevojë për të dyja: energji të gjelbër dhe të qëndrueshme, por tranzicioni duhet të jetë i drejtë dhe kostot duhet të ndahen. Nevojitet solidaritet dhe mbështetje financiare”, ka shkruar Kurti.
