Zëvendëskryeministri Besnik Bislimi ka thënë se parimet e Qeverisë për dialogun me Serbinë janë të qarta. Gjatë raportimit në Komisionin Parlamentar për Punë të Jashtme, Bislimi tha se i kanë pesë parime. Të parin e përmendi mosrinegocimin e marrëveshjeve të arritura.
“Nuk krijohet shtresë e re qeverisëse; nuk preket sovraniteti; nuk ka marrëveshje me Serbinë pa njohje”, tha Bislimi, duke renditur parimet e përmendura.
Në fund, ai tha përmendi edhe njohjen nga pesë vendet E BE-së dhe garancionin për të qenë pjesë e Kombeve të Bashkuara (OKB).
Tutje, Bislimi tha se ndonjë informatë që e rrezikon objektivin e Kosovës në dialog do të mund të mos publikohet. Kështu u shpreh kur u pyet nëse do ta bëjnë publike axhendën e dialogut.
“Kur mendoj se publikimi i një informate e rrezikon objektivin, unë nuk do ta publikojë atë informatë”, tha Bislimi.
