Ministri i Mbrojtjes, Armend Mehaj, ka thënë se ushtarakët kosovarë stërviten për të fituar betejën para se të hyjnë në të.
Mehaj gjithashtu ka njoftuar se grupi i radhës i nënoficerëve ka përfunduar me sukses kursin në reagim të parë në fushëbetejë dhe shkathtësi në komunikim.
“Ushtarakët tanë stërviten vazhdimisht për të fituar betejën para se të hyjnë në të. Në Komandën e Doktrinës dhe Stërvitjes, grupi i radhës së nënoficerëve ka përfunduar me sukses të lartë kursin në lidership luftarak, reagim të parë në fushëbetejë dhe shkathtësi në komunikim” ka shkruar Mehaj në Facebook.
