Një fëmijë njëvjeçar ka humbur jetën pasditen e kësaj të marteje, pasi është aksidentuar nga një automjet në borrin e shtëpisë së tij.
Vdekja e tij është konstatuar në Qendrën Klinike Universitare të Kosovës, kur ai është dërguar aty rreth orës 16.00 si pasojë e lëndimeve të marra, konfirmojnë policia, për klankosova.tv.
Dyshohet se fëmija ishte aksidentuar nga babai i tij.
”Rreth orës 16:00, policia ka pranuar informatën se fëmija i lënduar është dërguar në QKUK, ku edhe është konstatuar vdekja e tij. Viktima dyshohet të jetë aksidentuar në oborrin e shtëpisë në “Lagja 28″ në Fushë Kosovë. Aktuaisht policia po trajton rrethanat që karakterizojnë ngjarjen”, tha zyrtari për informim i policisë për rajonin e Prishtinës, Agron Borovci.
