Ministri i Punëve të Brendshme, Xhelal Sveçla ka njoftuar se brenda kompetencave të tij ligjore, ka shpallur person të padëshirueshëm në Republikën e Kosovës Daria Asmalovan.
Asaj, i është ndaluar për pesë vite hyrja në territorin e Kosovës.
Postimi i plotë i ministrit Sveçla:
Si Ministër i Punëve të Brendshme, brenda kompetencave të mia ligjore, bazuar në Ligjin për të Huaj, Nenet 17 dhe 66 A, kam shpallur person të padëshirueshëm në Republikën e Kosovës Daria Asmalovan. Hyrja e këtij personi është e ndaluar për pesë vite në territorin e Republikës së Kosovës.
Kushdo që me qëllime apo direktiva të caktuara cënon apo tenton të destabilizojë vendin tonë, do të përballet pa diskutim me forcën e ligjeve të Republikës së Kosovës.
