Një rast i rrëmbimit ka ndodhur dje në Prishtinë.
Policia ka njoftuar se një burrë ka raportuar se derisa ka qenë në rrugë, është rrëmbyer nga tre persona të dyshuar.
Sipas viktimës, ata e kanë futur atë në veturë dhe nën kërcënimin e armës, duke e sulmuar fizikisht i kanë kërkuar 8 mijë euro, ndërsa ia kanë grabitur 125 të tjera që i kishte me vete.
Policia ka njoftuar se viktima ka arritur të ikë, ndërsa rasti po vazhdon të hetohet nga njësitet relevante.
Raporti i plotë:
RRËMBIM | Prishtinë, 16.07.2022-15:00. Viktima mashkull kosovar ka raportuar se derisa ka qenë në rrugë është rrëmbyer nga tre persona të dyshuar, të cilët e kanë futur në veturë dhe nën kërcënimin e armës, duke e sulmuar fizikisht i kanë kërkuar një shumë parash prej 8000€ ndërsa i kanë grabitur 125€ të cilat i kishte me vete. Viktima ka arritur të ik-largohet, rasti është duke u hetuar nga njësitë relevante.
