Vala e dytë e të nxehtit që po përhapet në pjesën më të madhe të Evropës ka arritur në Gadishullin Iberik. Spanja po vuan sërish e para efektet.
Shumica e rajoneve janë në alarm për shkak të temperatura të larta. Andaluzia dhe Extremadura janë dy rajonet ku termometrat pritet të arrijnë ekstremitetet më të larta.
“Nuk e di se në cilin orar të dal sepse është vapë gjatë gjithë kohës”, shprehet një qytetar spanjoll.
Në datat 12 dhe 14, maksimumi i temperaturave do të arrijë 35 gradë celssius në pjesën më të madhe të Spanjës, ndërsa në disa qytete termometri pritet të regjistrojë vlerën 40 gradë.
Temperaturat në rritje po gjurmohen nga programi i vëzhgimit të Tokës i BE-së i njohur si Koperniku. Ngjyrat vjollcë në grafikë tregojnë se ku ekziston rreziku i shpërthimit të zjarreve.
Gjatë kësaj jave, të paktën 29 persona mbetën të lënduar për shkak të zjarreve që përfshinë pyjet në Portugali.
Vendi është në gjendje emergjence deri në mesnatën e së premtes për shkak të temperaturave jashtëzakonisht të larta dhe një rreziku të shtuar për më shumë zjarre.
Gjatë gjendjes së emergjencës, qytetarët mund të ndiqen penalisht nëse nuk respektojnë kufizime të tilla si ndalimi i përdorimit të makinerive të kopshtit pranë zonave pyjore ose ndezja e fishekzjarreve.
Edhe në kryeqytetin Italian, në Romë seritë e zjarreve po shihen si aktivitete kriminale.
Ata kanë shkaktuar dëme të shumta, duke krijuar shtëllunga të mëdha tymi mbi qytet, e duke krijuar probleme për banorët
