Vjosa Osmani është zgjedhur presidente e Kosovës dhe kështu vendi i saj në Kuvend ka humbur. Komisioni Qendror i Zgjedhjeve ka miratuar sot zëvendësimin e Vjosa Osmanit me Yllza Hotin e Lëvizjes Vetëvendosje, e cila tani do të jetë deputete.
Hoti është e para në listën e pritjes për t’u bërë deputete e Kuvendit nga radhët e listës së LVV-së, në të cilën garoi edhe Osmani.
Hoti në zgjedhjet e përgjithshme parlamentare të 14 shkurtit kishte marrë 5929 vota.
