Senatori amerikan Chris Murphy i cili qëndroi në Prishtinë gjatë muajit prill, ka pritur në takim kryeministrin Kurti kësaj here në kryeqytetin amerikan.
Murphy e kishte quajtur Kurtin “kokëfortë” në raport me dialogun Kosovë-Serbi pas takimit që kishte zhvilluar me të në qeverinë e Kosovës.
Por në takimin që e ka zhvilluar dje me shefin e qeverisë kosovare, senatori Murphy e ka quajtur mik kryeministrin Kurti që po ua rikujton lidhjen e pathyeshme mes Kosovës dhe Amerikës.
“E shkëlqyeshme të ulem me mikun tim, Albin Kurti kryeministër i Kosovës. Ai po bën një turne të madh në Shtetet e Bashkuara (përfshirë Connecticut më vonë këtë javë) për të na kujtuar lidhjen e pathyeshme mes Amerikës dhe Kosovës”, ka shkruar ai.
