Ish-kryeministri i Kosovës, Ramush Haradinaj do të udhëtojë nesër në SHBA. Burime të Gazetës Demos bëjnë të ditur se Haradinaj do të ketë disa takime me zyrtarë të ndryshëm nga Departamenti i Shtetit.
Ndryshe, gjatë këtij muaji vizitë zyrtare në SHBA ka paralajmëruar edhe Kryeministri Albin Kurti, por se nuk ka patur më informacion shtesë se kur do të ndodhë kjo.
Haradinaj kishte pritje zyrtare në Amerikë edhe sa ishte kryeministër ku kishte marrë edhe “bekimin” për krijimin e ushtrisë së Kosovës.
