Policia e Kosovës ka njoftuar se po vazhdon faza e dytë e testimit të kandidatëve për zyrtarë policorë, fazë e cila përfshinë shkathtësistë fizike.
Bëhet e ditur se kjo fazë e dytë ka filluar të mbahet nga data 28.03.2022 e cila do të zgjasë deri me datën 30.03.2002.
Tutje, shtohet se në këtë testim janë të ftuar 1447 kandidatë të cilët kanë kaluar fazën e testimit me shkrim.
Ndërsa ata që i nënshtrohen testit fizikit në baza ditore janë 500 kandidatë të ndarë në dy grupe.
Lexoni njoftimin e plotë:
Vazhdon testimi i shkathtësive fizike i kandidatëve për zyrtarë policorë
Policia e Kosovë pas publikimit të rezultateve të testit me shkrim të kandidatëve për zyrtarë policorë dhe informimit të tyre me kohë, ka vazhduar me fazën e dytë të testimit të shkathtësive fizike i cili ka filluar të mbahet nga data 28.03.2022 deri me datën 30.03.2022, në Akademinë e Kosovës për Siguri Publike (AKSP) në Vushtrri. Në këtë testim janë të ftuar 1447 kandidatë të cilët kanë kaluar fazën e testimit me shkrim.
Numri i kandidatëve të cilët po i nënshtrohen testit fizik në baza ditore është 500 kandidatë të ndarë në dy grupe, proces ky i cili vazhdon edhe nesër.
