Hysen Zylfiu, Nue Prenkaj, Sami Shehu, Ahmet Berisha, Nuredin Shehu, Skifter Batusha dhe Skifter Shehu u rivarrosën në varrezat e dëshmorëve dhe martirëve të Krushës së Vogël.
Kryeministri i Kosovës, Albin Kurti, deklaroi se sot nuk i përulemi vetëm dëshmorëve dhe martirëve por edhe të mbijetuarve të masakrës së Krushës së Vogël të cilët u ringriten edhe pasi okupatori kishte shkatërruar gjithçka.
“Historia e shtetit tonë nuk mund të shkruhet pa Krushën e Vogël dhe Krushën e Madhe. Nuk mund të shkruhet pa adresimin e dhimbjeve dhe tmerrit të përjetuar, dëmit dhe vuajtjeve të shkaktuara”, tha Kurti.
Ndërsa, kryetari i Prizrenit, Shaqir Totaj, tha se themeli i shtetit të Kosovës është ndërtuar mbi sakrificën e dëshmorëve dhe martirëve.
Ndërsa, kryetari i Komisionit Qeveritar për persona të zhdukur, Andin Hoti, u shpreh se nuk do të harrojnë asnjëherë gjenocidin serb dhe është detyrë e shtetit që të rikthejnë në atdhe të gjithë ata sot konsiderohen si persona të zhdukur me dhunë në luftën e fundit.
